Volver

Monte das Croas

Existen restos de cantería no monte, especialmente na súa parte oeste. Sen embargo a principal alteración é debida ao aporte dun grande volume de terras destinadas ao acondicionamento do lugar como área de esparcemento, afectando principalmente, a toda a zona alta e á vertente sur. A construción do desvío que conduce a unha vivenda (e a rampa de acceso ao xacemento) terá alterado posiblemente as estruturas defensivas da zona.

Atopáronse restos cerámicos feitos a man, de pastas con tonalidades escuras (gris ou negra) e desengrasantes graníticos, superficies de cor pardo e roxizo, o acabado acostuma a ser cepillado, presentando un fragmento decoración incisa en liñas entrecruzadas. Escavación de urxencia realizada en 1992.

As alteracións producidas no monte alteraron considerablemente a configuración inicial do xacemento. As obras consistiron no aterrazamento da zona alta e meridional do monte. O xacemento está delimitado na súa zona norte polo transcurso do regato da Ponte Bala e ao oeste pola estrada que vai de Pontedra a Figueirido.

En principio a súa estrutura constaría de dous recintos defendidos por terrapléns, o primeiro tería forma oval e do que só se conserva, para unha delimitación clara, a súa zona setentrional (cunha forte pendente) e parte da zona oriental. O segundo recinto é unha zona de aterrazamento situado na parte oriental, defendida por un terraplén rematado cunha muralla, isto último testemuñado coas sondaxes realizadas en 1992.

O acceso natural ao castro estaría situado, posiblemente, na súa parte occidental, zona á súa vez máis desguarnecida e onde tamén existiría unha maior elaboración das estruturas defensivas. A construción das pistas, e a actividade de extracción de pedra nesta parte do monte impiden precisalo con seguridade. Pedras con gravados preto do cruceiro, ao este. 

Roteiro das Mouras

Mouras encantadas que se converten en serpe, mouras que encerran tesouros baixo as penedas, máxicas laxes ocas e indestrutibles... todas se dan cita neste lugar.

Tes fotos, vídeos ou máis información? Entra co teu usuario e envíanolos para completar a ficha!

Non estás rexistrado/a?
Podes facelo nun intre dende aquí.

Tamén che pode interesar