Templo de planta rectangular e presbiterio máis elevado que a nave. O edificio, construído en opus quadratum, presenta na súa fachada unha porta de acceso baixo arco de medio punto rematada en altura por unha espadana de dobre oco coroada por óculo e pináculos.

De deseño severo, a sobriedade do edificio, reedificado entre os séculos XVII-XVIII sobre un templo medieval, non ocultou na súa fachada norte un arco cego de medio punto situado á par dunha porta de acceso lateral.

Presenta tamén un epígrafe latino - reutilizado e colocado ao revés - na parede sur.