O convento de San Francisco está unido á Igrexa e forma ángulo coa Praza da Ferraría. Ten uns 100 metros de largo, por 30 de ancho e 24 de alto. Rematouse de reconstruir no ano 1800.

No século XIX, o Estado instalou nel varias dependencias oficiais, das que só queda a Delegación de Facenda. Unha parte traseira correspondeu aos frailes. 

Pola súa situación estratéxica, o Convento serviu de refuxio e fortaleza repetidas veces ao longo da súa historia.