Volver

Centro de Interpretación das Torres Arcebispais (CITA)

O Centro de Interpretación das Torres Arcebispais ofrece unha nova visión do pasado de Pontevedra. Permite unha achega ao coñecemento sobre o que foi un dos monumentos máis emblemáticos da historia de Pontevedra, coa ponte medieval e a igrexa de Santa María a Maior.

O primitivo castelo ergueuse a comezos do século XII e pouco despois Fernando II dóalle a vila co seu castelo ao arcebispado de Santiago. A fortaleza apenas se verá afectada polas guerras irmandiñas pero, en cambio, sufriu graves danos durante o enfrontamento entre Alonso II de Fonseca, arcebispo de Santiago, e Pedro Álvarez de Soutomaior, máis coñecido como Pedro Madruga, durante a guerra civil que entre os anos 1474 e 1477 enfrontou aos partidarios de Sabela a Católica e aos de Juana a Beltraneja, irmá e filla de Henrique IV de Castilla.

A comezos do século XVIII os ingleses incendian o pazo que queda practicamente destruído agás a súa imponente torre da homenaxe que aínda se usará como prisión. A finais do século XIX decídese a súa total demolición.

Descubre aquí toda a información sobre o Centro de Interpretación das Torres Arcebispais

 

Tes fotos, vídeos ou máis información? Entra co teu usuario e envíanolos para completar a ficha!

Non estás rexistrado/a?
Podes facelo nun intre dende aquí.

Tamén che pode interesar